Gisaulog sa Valencia City Government Employees Union (VCGEU) ang ilang ika-18 nga Founding Anniversary pinaagi sa usa ka makahuluganon nga programa sa Valencia City Gymnasium kagahapon Setyembre 15, 2026.
Nahimong mas emosyonal ug madasigon ang maong kalihukan tungod sa presensya ni Vice President Sara Z. Duterte-Carpio, kinsa nagsilbing natad sa paglaum ug pagsuporta sa mga lokal nga kawani sa kagamhanan. Sa iyang mensahe atubangan sa matag empleyado ug opisyal sa siyudad, gipasalamatan ug gidayeg sa Bise Presidente ang kahugpungan sa mga empleyado sa syudad sa ilang walay hunong nga pagbarog ug suporta alang sa katungod ug kaayohan sa mga opisyal ug trabahante
Gipahinumdoman usab niya ang matag usa bahin sa kamahinungdanon sa dedikasyon sa publikong serbisyo aron mas mapalambo pa ang paghatag ug paspas ug maayong serbisyo alang sa tanang Valenciano.
Dako usab ang gipadayag nga pagpasalamat sa mga namunoan sa dakbayan—lakip na sila Mayor Amie Galario, ang 10th Sangguniang Panlungsod ubos ni Vice Mayor Greizl Galario-Fernandez, City Consultant Former Mayor Jose “Jun” Galario Jr., ug VCGEU President Merazel Cena, JD—alang sa paggahin og panahon sa Bise Presidente. Ang maong selebrasyon nagsilbing simbolo sa 18 ka tuig nga lig-ong panaghiusa ug pagtinabangay sa kagamhanan sa Valencia alang sa padayong kalamboan sa syudad
Photo Courtesy: Valencia City LGU
