Aprobado na sa Sangguniang Panlalawigan sa Misamis Oriental ang resolution sa gi-request nga budget ngadto sa Department of Budget and Management alang sa renovation ug rehabilitation sa Pelaez Sport Complex atol sa regular session kagahapong adlawa.
Atol sa privilege-hour, gibutyag ni Board Member Princess Emano nga 3-Bilyon pesos ang gikinahanglan nga budget aron matuman ang renovation ug rehabilitation sa Pelaez Sport Complex. Dugang pa, niya nga panahon na nga sugdan ang pagpanindot sa pasibilidad kay dako matud pa kining tabang alang sa mga Misamisnon hilabi na sa hisgutanan sa sports.
Apan gihangyo sa duha ka Board Member nga sila Dexter Yasay og Abing Bernaldez nga ipakita ang tanang plano sa proyekto aron masuta kung mohaum ba ang gi-request nga budget ngadto sa planong renovation ug rehabilitation.
Gikatakda nga karong mosunod nga session sa Septiyembre 21, 2026, adlawng Lunes, i-presentar matud pa ni BM Princess Emano ang mga dokumento aron matubag ang gipangita sa Sangguniang Panlalawigan.
Photo courtesy: Google Maps
