Gikonsiderar sa Department of Education o DepEd ang pagpalawig sa workplace training sa mga Senior High School o SHS students gikan sa kasamtangang 80 ka oras ngadto sa 640 ka oras.
Matud ni Education Secretary Sonny Angara, nakadawat ang DepEd og mga komento gikan sa mga amo nga kulang ang kasamtangang oras aron maandam ang mga estudyante sa aktuwal nga kahimtang sa trabaho.
Matud pa niya, ang mas taas nga oras sa pagbansay mahimong makatabang sa mga estudyante nga mapalambo ang ilang kahanas ug mas maanad sa mga buluhaton sa trabaho. Giklaro sa DepEd nga ang 640 ka oras sugyot pa lamang ug dili pa kini ipatuman isip kinatibuk-ang kinahanglanon alang sa tanang SHS students.
Photo Courtesy: PNA
