Nikunhod sa 84 gikan sa 86 ang gidaghanon sa mga gikonsiderar nga missing human makumpirma sa Philippine Coast Guard nga duha ka pasahero nga nalista sa manifest sa MV June Aster wala diay nakasakay sa barko.
Kahinomdoman, nga nasunog ang ferry niadtong Miyerkules sa gabii, Septiyembre 9, sa kadagatan duol sa Coron, Palawan. Subay sa report, lima ang namatay, 43 ang naluwas, samtang 84 ka pasahero ug tripulante ang padayon nga gipangita.
Nagpadayon ang search and rescue operations ug imbestigasyon sa PCG aron matino ang hinungdan sa sunog, nga sumala sa pipila ka survivor nagsugod human adunay pagbuto duol sa cargo hold.
Photo Courtesy: Philippine News Agency
