Mopresentar ang usa ka fashion designer gikan sa Iligan City nga napili sa Pilipinas sa Precious of Malaysia International Fashion Festival, nga pagahimoon karong bulana sa Kuala Lumpur, Malaysia.
Giila ang maong designer nga si Jermaine V. Nabong sa Silk and Satin Studio usa sa walo ka Filipino designers nga napili gikan sa gatusan ka mga aplikante sa tibuok nasud aron moapil sa maong international fashion event. Pinaagi sa iyang mga disenyo, tumong ni Nabong nga ipakita sa international audience ang local textiles, indigenous culture, ug artistic craftsmanship sa mga Iliganon ug sa Mindanao.
Kahinomdoman, nga bag-o pa lang usab niyang gipakita ang iyang “Jardin de Lumiere” collection atol sa Mindanao Fashion Summit sa Cagayan de Oro City. Sumala pa, nga sa dili pa siya molupad paingon sa Kuala Lumpur, ipakita usab ni Nabong ang iyang Mindanaoan collection atol sa Panika Ta Diyandi sa Iligan City karong bulana.
Lauman, nga pinaagi sa iyang pag-apil sa maong international fashion festival, mas mapaila sa kalibutan ang talento sa mga lokal nga fashion designers ug ang adunahang kultura ug tradisyon sa Mindanao.
