Giinspeksyon ni Regional Director Zoraida O. Macadindang, Al-Hadj, JD sa DAR Region X ang kahimtang sa ginatukod nga bag-ong Provincial Office sa Department of Agrarian Reform sa Provincial Capitol Compound, Pigcarangan, Tubod, Lanao del Norte.
Kauban niya sa pagbisita sila PARPO II Marie Vil M. Codilla, JD ug PARPO I Faisal D. Macabato, diin ilang gisusi ang nagpadayong pagpangandam sa mga workspace ug pasilidad alang sa mga kawani sa ahensya.
Pinaagi sa padayong paningkamot sa DAR Region X ug provincial teams, nagkaduol na ang pag-abli sa usa ka mas lig-on nga sentro alang sa responsive ug accessible nga serbisyo sa agrarian reform.
Lauman nga ang bag-ong opisina mahimong mas komportable ug episyenteng workplace, ug makatabang sa pagpalig-on sa paghatod sa serbisyo sa mga Agrarian Reform Beneficiaries o ARBs ug mga partner communities sa Lanao del Norte.
