Gipangunahan sa Provincial Social Welfare & Development Office (PSWDO) kauban ang Northern Mindanao Medical Center ug National Commission of Senior Citizens – Region 10 ang gilusad nga duha ka adlawng Geriatric Screening & Dementia Care Training sa Malaybalay City niadtong Setyembre 9-10, 2026.
Gipaluyuhan mismo ang inisyatibo sa bugtong duha ka geriatrician sa tibuok Amihanang Mindanao gikan sa Northern Mindanao Medical Center (NMMC) nga sila si Dr. Elisa I. Jardeleza ug Dr. Nathalie Grace Ayupan-Penguit. Nagtumong ang maong programa sa pagpanalipod sa mga edaran batok sa dementia—usa ka seryosong kondisyon diin hinay-hinay nga mohuyang ang memorya ug panghuna-huna sa tawo
Pinaagi sa maong pagbansay, gitudloan ang mga Senior Citizen Federation Presidents ug Focal Persons gikan sa nagkalain-laing munisipyo kon unsaon pagpahigayon ang geriatric screening aron dali nga ma-evaluate ang functional abilities, cognition, ug social interaction sa mga katigulangan sa ilang komunidad.
Alang sa mga pamilya ug senior citizens nga gustong magpakonsulta o nanginahanglan og dugang giya bahin sa geriatric care, mahimong deretsong makig-alayon ug magpa-schedule sa NMMC Geriatric Care Unit pinaagi sa pagtawag o pagmensahe sa numerong 0975-405-831.
Photo Courtesy: PSWDO – Bukidnon
