Nahibulong ang mga netizens sa usa ka talagsaon nga insidente diin adunay gamay nga turok sa bayabas ang nakit-an nga mitubo gikan sa dunot nga ngipon sa usa ka 36-anyos nga lalaki sa Taiwan.
Sumala sa taho, nga ang lalaki mibisita sa dentista aron ipakuha ang iyang dunot nga wisdom tooth, apan sa pagsugod sa operasyon namatikdan sa doktor nga adunay usa ka gamay nga turok sa bayabas sa iyang ngipon.
Nasayran nga muabot sa gibanabanaang 10 ka adlaw ang edad sa maong turok sa dihang nakit-an kini. Samtang wala pay klaro nga dokumentasyon kung giunsa pagsugod sa pagtubo sa turok sa palibot sa ngipon.
Kini nga insidente giisip nga talagsaon nga panghitabo kay walay makatubag sa pangutana kung nganong miturok kini sa ngipon. Samtang nagsilbi usab kini nga pahinumdom sa tanan sa kamahinungdanon sa pag-atiman sa ngipon ug pagpakonsulta dayon sa dentista kung adunay dunot aron malikayan ang dugang nga komplikasyon.
Photo Courtesy: British Dental Journal
