Wala na kaikyas pa sa mga otoridad ang duha ka construction worker human nasikop atol sa hiniusang buy bust operation didto sa Purok Banganga 2, Brgy. Corporacion, Lupon, Davao Oriental pasado alas 9:20 sa gabii, niadtong Setyembre 08, 2026.
Giila ang mga dinakpan nga sila alyas “ISRAEL”, 41 anyos, minyo, ug kauban niini ug pulos mga residente sa Purok Malipayon 2, Brgy. Poblacion sa maong munisipyo.
Ang operasyon gihimo sa mga personahe sa Lupon Municipal Police Station, kauban ang mga sakop sa PIU, 1103rd RMFB ug PDEU-DOPPO ug narekober gikan sa mga suspek ang lima ka pakete sa gituohang shabu, usa ka P500 nga buy bust money, upat ka P100 peso bill, 150 pesos ug usa ka zip-lock nga plastik nga adunay sulod nga personal nga mga gamit.
Ang mga nakumpiskang illegal nga droga gibana banaang mutimbang sa 5.8 gramos ug adunay Standard Drug Price nga Php 34,000.00. Human sa pagdakop gipahibalo ang akusado sa rason sa iyang pagkasikop ug gidala sa Lupon Municipal Police Station uban sa mga ebidensya alang sa tukmang disposisyon.
Photo Courtesy: Lupon MPS
