Gibansay ang mga Persons Deprived of Liberty o PDL sa Tagum City Jail Female ug Male Dormitory pinaagi sa livelihood skills training sa table skirting niadtong Septiyembre 8, 2026, nga gipahigayon sa Tagum City Jail Covered Court.
Gipangunahan sa City Public Employment Services and Capability Development Office o CPESCDO, kauban ang mga personnel sa Tagum City Jail Female Dormitory, ang maong pagbansay isip kabahin sa livelihood development ug skills enhancement program alang sa mga PDL.
Nakat-on ang mga partisipante sa hustong pagpangandam sa mga materyales, pagsukod, paghan-ay ug paghimo sa nagkalain-laing disenyo sa table skirting pinaagi sa hands-on nga pagbansay.
Tumong sa maong kalihukan nga mahatagan ang mga PDL og praktikal nga kahanas nga ilang magamit isip panginabuhian o income-generating activity sa ilang paggawas sa jail, lakip ang pagpalambo sa ilang pagkamamugnaon, resourcefulness ug pagpaningkamot alang sa malampusong rehabilitasyon.
Photo Courtesy: Tagum City Jail Female Dormitory
