Sikop sa kapulisan sa Tagum City Police Station, kauban ang 1st Davao del Norte Provincial Mobile Force Company o DNPMFC, ang upat ka indibidwal atol sa buy-bust operation sa Barangay Magugpo East, Tagum City, alas 12:38 sa kadlawon niadtong Septyembre 8, 2026.
Giila ang mga nadakpan nga sila alyas “Alvin,” 31 anyos; “Kristoffer,” 33; “Garry,” 41; ug “Jenelyn,” 41, nga mga residente sa maong barangay. Nakuha sa poseur-buyer gikan kang “Alvin” ang usa ka sachet sa gituohang shabu gamit ang 500 pesos ug pito ka machine-copied nga 1,000-peso bills isip buy-bust money.
Dugang pa, ang upat ka sachet sa gituohang shabu nga nakuha kang “Alvin,” samtang usa ka sachet sa gituohang shabu, Mentos case, improvised glass pipe tooter nga adunay residue ug usa ka open plastic sachet ang nakuha gikan kang “Kristoffer.”
Ang tanang nakumpiskang gituohang shabu adunay gibana-banang gibug-aton nga upat ka gramo, nga adunay Standard Drug Price nga mokabat sa 27,200 pesos. Ang upat ka suspek anaa na sa kustodiya sa Tagum City Police Station ug mag-atubang og kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002.
Photo Courtesy: PNP Tagum
