Nag-atubang karon og 124 ka kaso sa qualified theft ang maguwang nga igsoon sa aktres nga si Kim Chiu, nga si Lakambini o mas nailhan nga “Lakam” Chiu.
Kini may kalabotan sa giingong pagkuha og 44.396 milyon pesos nga corporate funds sa ilang kompanya nga House of Little Bunny Philippines, Incorporated, o HOLB.
Sumala sa Office of the City Prosecutor sa Quezon City, mao kini ang ilang nakit-an human ilang gisusi ang mga pahayag ug mga ebidensiyang gisumite kalabot sa reklamo ni Kim batok sa iyang igsoon.
Base sa 21-pahinang resolusyon sa piskal nga adunay petsang September 1, 2026, pormal nang gi-file ang criminal Information batok kang Lakam niadtong July 15, 2026.
Ang kaso may kalabotan sa House of Little Bunny Philippines, Incorporated, usa ka fashion brand sa mga handbag nga kasagarang nagkantidad og labaw sa 4,000 pesos.
Photo courtesy:PEP.ph
