Gisaway ni Cebu City Councilor Joel Garganera ang Environmental Management Bureau-7 (EMB-7) tungod sa wala pagtunga niini sa gihimong inspeksyon sa Konseho ning syudad sa Binaliw Landfill.
Gikuwestiyon ni Garganera ang transparency sa ahensya, human nga gibawi sa EMB-7 ang cease-and-desist order sa landfill nga wala gipagawas ang resulta sa imbestigasyon niini kalabot sa insidente sa landslide sa Binaliw.
Matod sa konsehal nga daghan pa unta buot ipangutana ang konseho sama sa hisgotanan sa kaluwasan sa landfill, pagsunod sa mga regulasyon sa kalikopan, ug ingon man ang kapasidad sa pagdumala sa nagkadaghang basura sa Cebu City.
Pagpaklaro sa opisyal nga nakadawat og imbetasyon ang EMB-7 gikan sa konseho apan nagmagahi kining magpakita nga daw adunay ginatagoan.
Photo Courtesy:EMB-7 fb page
