Gibanabana nga 2.71 bilyong tawo sa tibuok kalibutan ang naladlad sa second-hand smoke niadtong 2023, nga nalambigit sa gibana-banang 1.66 milyong premature deaths, sumala sa bag-ong pagtuon nga gipatik sa The Lancet Public Health.
Base sa analysis sa Global Burden of Disease (GBD) 2023, gisusi sa mga tigdukiduki ang exposure ug mga epekto niini sa panglawas sa 204 ka nasod ug teritoryo gikan 1990 hangtod 2023. Sa 2.71 bilyong na-expose niadtong 2023, mga 767 milyon niini ang mga batang edad 0 hangtod 14 anyos. Gibanabana usab nga 44.8 milyon katawo ang namatay, tungod sa exposure.
Ang ischemic heart disease ang nanguna sa kinatibuk-ang health burden nga nalambigit sa second-hand smoke, samtang ang respiratory infections ang nag-unang epekto niini sa mga bata. Gibanabana nga 5.2 milyong respiratory tract infections sa mga bata ang nalambigit sa exposure niadtong 2023. Ang second-hand smoke nga masuyop sa mga dili manigarilyo gikan sa pagsunog sa mga produktong tabako ug sa aso nga ipagawas sa mga nanigarilyo.
Bisan pa og mikunhod og gibana-banang 22 porsiyento ang proporsyon sa populasyon nga naladlad sa second-hand smoke gikan 1990 hangtod 2023, nagpabiling hapit pareho ang kinatibuk-ang gidaghanon sa mga exposed tungod sa pagtubo sa populasyon, ilabi na sa pipila ka bahin sa Africa ug Middle East.
Nakita usab sa pagtuon nga dakong bahin sa health burden ang nasinati sa mga babaye ug mga bata. Tungod niini, giawhag sa mga tigdukiduki ang mas hugot nga pagpatuman sa mga tobacco-control measures sa mga pampublikong lugar ug uban pang lugar diin posibleng ma-expose ang mga dili manigarilyo. Sumala usab sa World Health Organization, ang tabako ug exposure sa second-hand smoke nagpabiling dakong hulga sa public health, ug importante ang pagpatuman sa smoke-free policies aron mapanalipdan ang mga dili manigarilyo.
Photo courtesy: Cancerworld
