Misaka sa US$104.8 bilyon ang Gross International Reserves (GIR) sa Pilipinas sa katapusan sa Agosto 2026, sumala sa Bangko Sentral ng Pilipinas (BSP). Matod sa BSP, nagpabiling igo ug lig-on ang lebel sa pondo aron matubag ang panginahanglan sa nasod alang sa pag-import og mga produkto, pagbayad sa mga external debt, ug isip proteksyon batok sa posibleng mga hagit sa global economy.
Pangunang nakatampo sa pagsaka sa GIR ang pagtaas sa bili sa bulawan sa global market, nga miresulta sa pagtaas sa valuation sa gold holdings sa BSP. Nakadugang usab sa pondo ang kita nga nakuha sa central bank gikan sa mga investments niini sa gawas sa nasod. Apan gamay nga mikunhod ang pondo tungod sa pagkuha sa national government og foreign currency deposits gikan sa BSP aron ipambayad sa mga obligasyon niini sa external debt.
Ang kasamtangang GIR level igo aron masuportahan ang hangtod 6.8 ka bulan nga kantidad sa pag-import sa mga produkto ug serbisyo sa nasod. Dugang pa, kaya usab niini nga matabonan ang gibana-banang 3.7 ka pilo sa short-term external debt sa Pilipinas base sa residual maturity niini.
Photo courtesy: PNA
