Mga kajuander, kung makakita mo og dako nga kaka ug modagan mo, ayaw na paglingi-lingi! Kay basin kamo pa ang maabtan! Nasayran sa mga siyentista nga ang huntsman spider mao ang pinakapaspas nga klase sa kaka human ilang gisulayan ang 258 ka species sa laboratoryo.
Ang huntsman spider nakab-ot og tulin nga hapit 3.6 metros kada segundo, o kapin 8 miles per hour. Para sa comparison, ang kasagarang tawo modagan lang og mga 4 hangtod 6 miles per hour. Pasabot niini, kung makakita ka og huntsman spider ug modagan ka, dili na siguro kini ordinaryong “tago-tago”. Murag “chase scene” nga sa salida.
Ug kung mosulod ka sa kwarto unya makita nimo ang kaka nga nagdagan padulong nimo, ayaw na pangita og tsinelas. Kay basin ang imong tsinelas maoy mahibilin sa crime scene.
Giingon usab sa pagtuon nga ang taas nga mga tiil maoy usa sa hinungdan nganong mas paspas modagan ang mga kaka. Mao nga kung naa moy makita nga kaka sa balay, hinumdumi: Dili tanan nga adunay walo ka tiil hinay. Ang uban, mas paspas pa sa inyong ex nga nidagan human ka giutangan.
Photo courtesy: lovinmalta
