Gitudlo si kanhi senador ug boxing champion Manny Pacquiao isip chairperson sa National Anti-Poverty Commission o NAPC. Ang iyang appointment naghatag kaniya og papel sa pag-coordinate sa mga programa sa gobyerno nga nagtumong sa pagpakunhod sa kapobrehon sa nasud.
Matud ni Pacquiao, personal niyang nasinati ang kalisod sa kinabuhi ug gusto niyang gamiton ang iyang kasinatian aron makatabang sa mga Pilipinong nag-atubang gihapon sa kagutom ug kakulang sa oportunidad.
Isip NAPC chief, motabang siya sa paghiusa sa mga programa ug polisiya sa gobyerno alang sa mga kabus ug vulnerable nga sektor. Tumong sa administrasyon ni Presidente Ferdinand Marcos Jr. nga mapakunhod ang poverty rate sa nasud ngadto sa 8 hangtod 9 porsyento sa 2028.
Gilauman nga ang bag-ong tahas ni Pacquiao makatampo sa mas koordinadong paghatag og livelihood, social protection ug uban pang serbisyo alang sa mga pamilyang nanginahanglan og tabang.
Photo Courtesy:x.com
