Gipahigayon karong September 9 ang public scoping alang sa usa ka environmental project nga nahimutang sa Roseller T. Lim ug Tungawan, Zamboanga Sibugay, lakip ang Zamboanga City.
Ang kalihokan gipangulohan sa Environmental Management Bureau Region 9 ug gitambongan sa mga stakeholder aron hisgutan ang posibleng epekto sa proyekto sa palibot ug sa mga komunidad.
Gikatakdang ipahigayon ang public scoping alas-nuwebe sa buntag sa Multi-Purpose Building/Oval Covered Court. Tumong sa maong kalihokan nga mahatagan og higayon ang mga residente, lokal nga opisyal, organisasyon ug uban pang apektadong sektor nga makapahayag sa ilang mga pangutana, kabalaka ug suhestiyon bahin sa proyekto.
Importante ang maong proseso aron masiguro nga ang mga environmental concern ug interes sa komunidad maapil sa pag-assess sa proyekto sa dili pa kini ipatuman.
Gihangyo usab ang mga stakeholder nga aktibong moapil sa mga diskusyon tungod kay ang ilang mga obserbasyon mahimong makatabang sa pagpalig-on sa environmental safeguards sa proyekto.
