Miabot na sa kapin usa ka libo ang mga kaso sa leptospirosis sa Lungsod sa Maynila, hinungdan aron ikonsiderar na kini sa city health authorities nga naa sa epidemic level.
Matud pa ni Manila City Health Officer Grace Padilla, padayon nilang gi-monitor ang mga kaso sulod na sa milabay nga duha ka semana. Anaa usab sa tulo ka kaso ang attack rate nga ilang narekord sa pipila ka lugar.
Gilauman sa mga health authorities nga mosaka pa ang gidaghanon sa mga kaso tungod sa padayon nga pag-ulan ug pagbaha sa daghang lugar sa Maynila. Ang leptospirosis kasagarang nalambigit sa pagkontak sa tubig nga kontaminado sa ihi sa mga ilaga.
Samtang, nabug-atan na usab ang mga balay tambalanan sa Maynila tungod sa pagdaghan sa mga pasyenteng adunay leptospirosis. Giingong misaka ang infection cases samtang nagpadayon ang pagbaha sa pipila ka lugar sa siyudad.
Photo Courtesy: Instagram@wheninmanila
