Gipahigayon sa Provincial Government Office o PGO–Population, Gender and Development Division ang orientation bahin sa Adolescent Health and Development o AHD ug Adolescent Reproductive Health o ARH alang sa mga Grade 6 pupil niadtong Setyembre 7, 2026.
Giapil sa maong kalihukan ang mga Grade 6 pupil sa Capayuran Elementary School sa Pigcawayan, Kalaisan Elementary School sa Kidapawan City, ug Datu Montawal Elementary School sa Kabacan.
Tumong sa orientasyon nga hatagan ang mga kabataan og hustong kahibalo kabahin sa mga pisikal ug emosyonal nga kausaban nga ilang masinati panahon sa pagkabatan-on.
Gibansay usab ang mga estudyante sa hustong pamatasan ug maayong pagdesisyon aron malikayan ang sayong pagmabdos ug uban pang mga problema nga mahimong makaapekto sa ilang panglawas ug kaugmaon.
Ang maong programa kabahin sa mga paningkamot sa Provincial Government nga mapanalipdan ug mapalambo ang kinatibuk-ang kaayohan ug kalamboan sa mga kabatan-onan sa lalawigan.
