Nagpagawas ang Bureau of Internal Revenue (BIR), ubos sa pagpangulo ni Commissioner Charlito Martin R. Mendoza, og bag-ong BIR Audit Program aron mapalig-on ang risk-based audits ug accountability sa tibuok nasud. Kini gibase sa Revenue Memorandum Order No. 22-2026 nga gipirmahan niadtong Agosto 24, 2026.
Ubos sa bag-ong sistema, gipalig-on ang Single-Instance Audit Framework diin kasagarang limitado sa usa ka electronic Letter of Authority ang pag-audit sa usa ka taxpayer matag taxable year. Gamiton usab ang automated ug anonymized nga proseso sa pagpili sa mga priority cases base sa risk-based data aron maminusan ang personal nga diskresyon sa mga opisyal.
Gipahimutang usab sa BIR ang “Audit of Auditors” o Revalida aron masiguro nga ang mga tax assessment nagsunod sa hustong proseso, balaod, ug kamatuoran. Ang reporma gitumong sa pagpalig-on sa pagsalig sa publiko sa gobyerno ug pagpauswag sa ease of doing business sa nasud.
Photo Courtesy: BIR
