Balhog sa prisohan ang usa ka street level indibidual human nadakpan sa mga otoridad atol sa gikasang buy bust operation didto sa Purok Bayanihan, Barangay Sainz, Mati City, Davao Oriental pasado alas 9:23 sa buntag karung adlawa, Setyembre 7, 2026.
Gihimo ang operasyon sa pagpanguna sa mga personahe sa Mati City Police Station, kauban ang PIU DOPPO ug sa koordinasyon sa PDEA DOPO XI nga nagresulta sa pagkasikop ni alyas “Jhon-jhon”, 33 anyos adunay kapuyo, walay trabaho, ug residente sa maong lugar.
Narekober gikan sa suspetsado ang duha ka pakete sa gituohang shabu, usa ka P500 nga buy bust money ug usa ka Professional driver’s license. Ang mga nakumpiskang illegal nga droga gibana banaang mutimbang sa 0.16 gramos ug adunay standard drug price nga PhP1,088.00.
Human sa pagdakop gipahibalo gilayon ang suspek sa iyang mga katungod ug gidala sa kustodiya sa Mati City Police Station alang sa tukmang disposisyon ug pasakahan ug kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Mati CPS
