Nakadaog sa ikatulong pwesto ang amputee triathlete nga si Alex Niño Silverio sa men’s PTS4 category sa 2026 NTT Asia Triathlon Para Championships. Mitapos sa lumba si Silverio sulod sa 1 oras, 8 minutos ug 36 segundos, nga naghimo kaniya nga pinakapaspas nga Filipino para triathlete sa kompetisyon.
Nag-una ang Japanese nga si Hideki Uda nga mitapos sa 1:01:21, gisundan ni Keiya Kaneko sa 1:06:41. Samtang ang mga Sugbuanon sila Cedei Abellana ug Leonardo Acosta mitapos sa ikaupat ug ikalima nga pwesto, samtang si Jake Lacaba ikaupat sa men’s PTS2.
Tungod sa kusog nga ulan, giusab sa mga organizer ang lumba gikan sa triathlon ngadto sa duathlon diin midominar ang Japan sa nagkadaiyang categories sa kompetisyon.
Photo Courtesy: Pinoy Fitness
