Gipadayag ni Vice Governor Marc Cagas sa Davao del Sur, ang iyang reaksyon kalabot sa wala pagdeklarar sa Septiyembre 8, 2026 isip Special Non-Working Day bisan sa pagsaulog sa ika-26 nga Araw ng Digos.
Matud ni Vice Governor Cagas, wala siya makadawat og impormasyon gikan sa City Government kalabot niini. Iyang gipasabot nga ang pagdeklarar sa local holidays nag-agad sa desisyon sa national government ug sa kasamtangang polisiya niini.
Dugang niya, mas gusto unta niya nga holiday aron adunay higayon nga makapahulay gikan sa trabaho. Apan holiday man o dili, malipayon gihapon siyang nakighiusa sa pagsaulog sa ika-26 nga Araw ng Digos.
Gihisgutan usab ni Vice Governor Cagas ang kontribusyon ni kanhi Congressman Dodo Cagas sa pagkahimong siyudad sa Digos. Bisan walay Special Non-Working Day, nagpadayon ang pagsaulog isip paghinumdom sa kasaysayan, kalamboan ug panaghiusa sa Digos City.
