Nag-abli ang Land Transportation Franchising and Regulatory Board o LTFRB og 7,500 ka slots para sa Transport Network Vehicle Service sa Metro Manila nga eksklusibong igahin sa electric vehicles o EVs. Apil niini ang plug-in hybrid ug battery electric vehicles, samtang adunay laing EV slots nga giablihan usab sa Ilocos ug Bicol Regions.
Sa Ilocos, 325 sa 650 ka TNVS slots ang para sa EVs, samtang 300 sa 600 ka slots sa Bicol ang gitagana alang niini. Matud ni Acting LTFRB Chairman Greg Pua Jr., kabahin kini sa paningkamot sa gobyerno nga mapalapad ang paggamit sa electric vehicles ug maabot ang target nga katunga sa mga sakyanan sa kadalanan mahimong EVs pag-abot sa 2040.
Photo Courtesy: Stratebase Institute
