Nakatabang ang City Government of Kidapawan, uban sa Department of Labor and Employment o DOLE ug Office of the Vice President, sa 167 ka beneficiaries gikan sa nagkadaiyang barangay pinaagi sa mga programa alang sa panginabuhian.
Gikan niini, 137 ang nakadawat ubos sa DOLE Integrated Livelihood Program o DILP, samtang 30 ang benepisyaryo sa “Mag Negosyo Ta Day” program sa OVP.
Nakapagawas og P3.7 milyon ang DOLE alang sa DILP, samtang P15,000 nga puhunan ang gihatag sa matag benepisyaryo sa “Mag Negosyo Ta Day.” Aron madugangan pa ang kapital sa gagmay’ng negosyante, mikuyog usab og P15,000 nga dugang ayuda ang City Mayor’s Office alang sa mga benepisyaryo sa maong programa, pinaagi sa koordinasyon sa Public Employment Services Office.
