Patay ang 11 ka tawo samtang unom pa ang nasamdan human maigo sa avalanche ang grupo sa mga climbers sa Mount Mizhirgi sa Kabardino-Balkaria region, North Caucasus, Russia.
Gikatahong 33 ka climbers ang naapektuhan sa insidente, diin 10 ang luwas nga nakanaog gikan sa bukid, samtang wala pa matino ang kahimtang sa laing unom. Kapin 50 ka emergency workers ang nagtinabangay sa search and rescue operation, bisan pa sa kalisod sa terrain ug padayon nga hulga sa laing avalanche.
Nagpadayon ang operasyon sa mga otoridad aron masuta ang kahimtang sa mga wala pa makit-i ug mahatagan og tabang ang mga naapektuhan.
Photo Courtesy: Reuters
