Nisangpot sa makamatay nga pag-atake ang panaglalis sa mag-kapuyo sulod sa ilang kwarto sa Purok 8, Barangay Poblacion, Mawab, Davao de Oro niadtong nakalabay nga adlaw. Nasayran nga patay ang 75-anyos nga biktima human giingong giluba sa iyang kapuyo nga giila sa alyas nga “Virgelio” atol sa maong panaglalis.
Base sa imbestigasyon, nga paingon na mangatulog ang duha sa dihang naglalis sila, hangtod nga gikuha sa suspek ang kutsilyo ug giatake ang biktima sa makadaghang higayon.
Gisulayan pa pagdala sa balay tambalanan ang biktima apan wala na kini maluwas. Samtang, anaa usab sa ospital ang suspek human makaangkon og mga samad.
Gilauman nga pasakaan og kasong homicide ang suspek samtang nagpadayon ang imbestigasyon sa kapulisan kabahin sa insidente.
