Plano sa Bangko Sentral ng Pilipinas (BSP) nga ipahunong sulod sa 12 ka bulan ang pagdawat ug pagproseso sa aplikasyon sa mga bag-ong Payment System Operators (OPS).
Tumong niini nga ma-review pag-ayo sa BSP ang ilang licensing framework ug risk-management rules, ilabi na batok sa fraud, scam ug iligal nga transaksyon.
Apil usab sa proposal ang paghimo og National QR Code Merchant Database, diin ma-record ang identidad ug impormasyon sa mga negosyanteng modawat og bayad pinaagi sa QR code.
Gikinahanglan usab sa mga bangko ug payment providers nga mailhan ang tinuod nga merchant ug ang tawo o entidad nga makadawat sa kwarta.
Mas istrikto usab ang monitoring sa mga high-risk nga negosyo, samtang ang dagkong insidente sa fraud, scam ug cybersecurity breaches kinahanglan i-report sa BSP sulod sa 24 oras.
Photo Courtesy: BSP STORE
