Patay ang lima ka indibidwal, samtang lima pa ang nasamdan human mi-overrun sa runway ang usa ka Amazon cargo aircraft atol sa pag-landing niini sa Miami International Airport niadtong Domingo sa hapon. Matud sa mga otoridad, nasangit sa eroplano ang daghang mga sakyanan human kini nigawas sa usable portion niini.
Sa lima ka nasamdan, tulo ang anaa sa kritikal nga kondisyon ug gidala sa trauma center, samtang duha pa ang gidala sa pinakaduol nga hospital sa lugar.
Sumala sa Miami-Dade Fire Rescue, pipila sa mga biktima ang natanggong sulod sa mga sakyanan nga naigo sa eroplano ug gikinahanglang i-rescue sa mga responder.
Samtang, padayon pa ang imbestigasyon sa insidente, ug padayon pa usab nga gimonitor sa mga otoridad ang kahimtang sa mga biktima ug gisiguro ang kaluwasan sa lugar.
Photo Courtesy: CNN
