Mokabat sa 12,029 gikan sa kinatibuk-ang 13,441 nga kwalipikadong law graduates ang mitunga ug nikuha sa unang asignatura sa nagpadayon nga 2026 online Bar examinations niadtong Domingo, Setyembre 6. Gipahigayon ang maong nasudnong exam sa 15 ka local testing centers sa tibuok nasod sa ilawom sa higpit nga pagdumala sa Supreme Court, Philippine National Police, ug mga lokal nga gobyerno.
Sumala kang Supreme Court Associate Justice Samuel Gaerlan, wala pa matino ang eksaktong hinungdan kon ngano nga wala makatunga ang ubang examinees, apan posibleng gibati niini nga wala pa sila sa bug-os nga nakapangandam. Gipadayag usab sa korte nga kadaghanan sa mga nikuha sa eksaminasyon mga babaye, samtang may pipila usab ka mga senior citizens ang misalmot ug nipakita sa ilang determinasyon.
Aron masiguro ang seguridad ug kalinaw sa palibot, nagpatuman ang mga lokal nga kagamhanan sa liquor ban ug temporaryong pag-sirado sa mga karsada dapit sa mga testing centers sama sa University of Santo Tomas ug San Beda University. Ipadayon ang ikaduha ug ikatulo nga adlaw sa Bar examinations karong Setyembre 9 ug Setyembre 13, diin andam na usab ang mga nakahan-ay nga security ug traffic management plans niini.
Photo Courtesy: Supreme Court of the Philippines
