Nagpasidaan ang environmental group nga Ban Toxics sa publiko batok sa posibleng peligro nga dala sa pipila ka dekorasyon ug Christmas lights nga substandard.
Matud ni Thony Dizon, Advocacy and Campaign Officer sa grupo, importante nga susihon sa mga konsumante ang label, product information ug safety markings sa dili pa mopalit. Gipasidan-an usab ang publiko nga ang substandard nga Christmas lights mahimong mag-overheat ug mahimong hinungdan sa sunog.
Girekomendar sa Ban Toxics nga dili lamang presyo ug disenyo ang tan-awon, kondili susihon usab kung adunay ICC sticker o angay nga product standard markings ang produkto.
