Gipalig-on sa Monkayo Municipal Police Station, ang ilang security measures aron mapugngan ang posibleng paglihok sa mga lawless elements sa lungsod.
Sumala kang PCAPT Mark Glyceryl Amor G. Garcia, OIC sa Monkayo MPS, Atol sa ilang pag-bisita sa Juander Radyo nga aduna pay mga nakalatag nga programa ug plano alang sa mas lig-on nga depensa sa lungsod.
Lakip sa gipalig-on mao ang pag-empower sa mga barangay tanod ug force multipliers aron makatabang sa kapulisan sa pagmintinar sa peace and order. Gi-emphasize usab sa police official nga responsibilidad sa tanan ang kalinaw ug seguridad sa komunidad.
Dugang pa ni Garcia, padayon ang 24-oras nga police visibility sa Monkayo aron mabati sa mga residente ang presensya sa kapulisan ug masiguro nga luwas ang ilang paglihok bisan sa kagabhion.
