Naka-record ang Bureau of Fire Protection o BFP Bukidnon og 18 ka insidente sa sunog sa nagkalain-laing munisipyo ug siyudad sa probinsya sa bulan sa agusto, nga nakaresulta og gibanabanang 198 mil pesos nga damage sa kabtangan.
Sa ekslusibong pakighinabi sa Juander Radyo Malaybalay ngadto kang SFO2 Rene Rubillos, Operations Officer sa BFP Bukidnon, kadaghanan sa mga insidente nahitabo sa mga residential nga establisemento, hinungdan nga padayon ang ilang pahimangno sa publiko nga mag-amping batok sa sunog bisan pa og ting-ulan.
Lakip sa mga kasagarang hinungdan nga ilang natala ang unattended cooking, welding activities, rubbish fire ug pagpanigarilyo. Apan sumala ni Rubillos, aduna gihapoy mga insidente nga padayon pang giimbestigahan aron matino ang eksaktong hinungdan sa sunog
Gipahinumdoman sa BFP ang mga residente nga dili biyaan nga walay nagbantay ang nagluto, mag-amping sa paggamit sa welding equipment ug pagdumala sa basura, ug siguruhong mapalong ang sigarilyo ug uban pang posibleng tinubdan sa kalayo
Photo Courtesy:BFP Bukidnon
