Diretsahang gipahayag sa singer ug aktres nga si Sharon Cuneta nga wala siyay plano nga mosulod sa politika,ug mas gusto niya nga magpabilin sa showbiz diin iyang gihigugma ang pagkanta, pag-arte ug paghatag og kalipay sa mga tawo.
Gisalikway ni Sharon Cuneta ang posibilidad nga modagan siya sa bisan unsang posisyon sa gobyerno human siya pangutan-on kung adunay ba siyay interes nga mosulod sa politika.
Matud ni Cuneta, mas gusto siyang “modagan palayo sa politika,” tungod kay kontento siya sa iyang kinabuhi ug sa iyang karera isip singer ug aktres. Iyang gipasiugda nga dako alang kaniya ang higayon nga makapalipay sa liboan ka mga tawo pinaagi sa iyang mga concert, programa sa telebisyon ug mga pelikula.
Gibutyag usab ni Cuneta nga iyang gihigugma ang pagkanta ug pag-arte, lakip na ang pagtrabaho uban sa mga aktor, direktor ug ubang tawo sa produksiyon nga iyang giisip nang sama sa pamilya. Busa, wala niya makita ang kaugalingon nga mopuli sa iyang showbiz career alang sa kinabuhi sa politika, nga iyang gihulagway isip “horror story.”
Photo Courtesy: ABS-CBN wiki-Fandom
