Nagmalampuson ang United Patriots–Philippines sa 2026 Asian Open Schools Invitational Short Course Swimming Championships nga gipahigayon niadtong Agosto 29–30 sa Suvarbhumi Campus, Thailand.
Kabahin sa delegasyon ang mga manlalangoy sa San Carlos Swimming Club nga sila George Andrew Acuin, Flynn Louise Benlot, Tarc Dominic Andales, ug Aiana Tyreese Mendoza, ubos sa pagdumala ni Coach Tomas Katalbas III.
Matud ni Katalbas, unang higayon kini nga nakigkompetensya sa international meet ang mga swimmers gikan sa San Carlos City. Gipakita sa mga atleta ang ilang abilidad ug paningkamot aron matabangan ang Pilipinas sa pagkab-ot sa championship title sa internasyonal nga entablado.
Gipahayag usab sa City of San Carlos nga dakong garbo ang mga swimmers tungod sa ilang talagsaong pasundayag ug dakong kontribusyon sa kadaugan sa delegasyon.
Photo Courtesy: San carlos City, Negros Occ-PIO
