Posibleng mosaka pag-usab ang presyo sa produktong petrolyo sa Pilipinas sunod semana, human sa bag-ohay lang nga rollback sa presyo sa gasolina, diesel ug kerosene. Base sa industry estimates, posibleng mosaka og P4.50 hangtod P5 kada litro ang diesel, samtang P4 hangtod P4.50 kada litro ang gasolina.
Usa sa nangunang hinungdan niini ang pagtaas sa presyo sa oil products sa international market, ilabi na tungod sa kabalaka sa posibleng pagkabalda sa suplay sa lana sa Middle East. Matud ni Jetti Petroleum president Leo Bellas, nakaapekto usab sa presyo ang tensiyon tali sa Estados Unidos ug Iran ug ang kahimtang sa Strait of Hormuz.
Apan, ang eksaktong adjustment sa presyo magdepende gihapon sa lihok sa merkado sa katapusang trading day diin opisyal nga ipahibalo sa mga oil companies ang bag-ong presyo karong Lunes.
Photo Courtesy: Philippine News Agency
