Gipahimangnoan sa Department of Labor and Employment (DOLE) Region 9 ang mga employer nga sundon ang mga safety measures batok sa heat stress sa workplace, kon motaas na ang heat index sa pipila ka lugar sa Zamboanga Peninsula Region.
Matud kang DOLE-9 Regional Director Albert Gutib, kinahanglan tumanon sa mga employer ang mga probisyon sa Labor Advisory Number 08, Series of 2023, nga naglatid sa mga lakang aron mapanalipdan ang mga trabahante batok sa peligro sa sobra nga kainit.
Lakip niini ang paghatag og igo ug luwas nga drinking water, hustong bentilasyon, tukmang pahulay o rest breaks, ug pag-adjust sa work arrangements kung gikinahanglan aron malikayan ang heat stress. Gipasiugda ni RD Gutib nga responsibilidad sa employer ang pagsiguro sa safety ug health sa mga workers sulod sa workplace.
Gidasig usab ni RD Gutib ang tanang mga employers nga seryosohon ang maong advisory aron malikayan ang heat exhaustion, heat cramps ug mas seryosong epekto sa sobra nga kainit nga panahon ngadto sa mga trabahante.
Photo Courtesy: Dole 9
