Gipadali sa National Commission of Senior Citizens (NCSC) ang pagproseso sa cash gift applications alang sa mga kwalipikadong senior citizens. Gikan sa kanhing 56 ka adlaw, gipaubsan na lang ngadto sa 20 ka adlaw ang processing period alang sa mga aplikasyon nga kompleto ang requirements ug nakapasar sa hustong validation.
Matud sa NCSC, kinahanglan gihapon susihon ang mga aplikasyon aron malikayan ang duplicate claims ug masiguro nga kwalipikado ang benepisyaryo sa dili pa ipagawas ang cash gift.
Gipasimple usab ang documentary requirements alang sa mga senior citizens nga naglisod sa pagkuha sa birth certificate. Samtang, ang mga senior citizens nga adunay verified digital ID gikan sa eGovPH mahimong dili na kinahanglan nga mosumite og birth certificate.
Photo Courtesy: Philippine Information Agency
