Girespeto sumala pa sa Malacañang ang desisyon sa Quezon City Regional Trial Court nga magpagawas og warrant of arrest batok kang Vice President Sara Duterte tungod sa kasong grave threats.
Ang maong kaso nag-ugat sa plano sumala pa nga pagpatay sa Bise Presidente kang Pangulong Ferdinand R. Marcos Jr., First Lady Liza Araneta-Marcos, ug kanhing House Speaker Martin Romualdez.
Kon kahinumduman nga nipagawas og pamahayag kagahapon ang ikaduhang pangulo diin gikumpirma niini nga naisyuhan siya og notice of warrant of arrest kagahapong adlawa, Septembre 4, 2026.
Pinaagi ni Judge Maria Angelica De Ramos sa Branch 98 sa Quezon City, gipagawas ang maong warrant ug gisilbi kini ni PNP Col. Christine Tabdi sa Office of the Vice President. Matud ni Duterte nga ang iyang mga abogado nga silang Atty. Paul Lim ug Atty. Clifford Chua mao na’y moatiman niini.
Photo courtesy: Philippine News Agency
