Gipahigayon sa pipila ka mga barangay sa Dakbayan sa Toledo ang Halad Alagad Program diin gipanghatag nga libre ang mga tambal ug uban pang serbisyo panglawas alang sa mga residente.
Sumala ni Konsehal Junjun Borja ang mga paningkamot sa lokal nga panggamhanan nga mas mapaduol ngadto sa mga komunidad ang mga importanteng programa ug serbisyo.
Gihatagan og higayon ang mga residente sa barangay nga makadawat sa nagkalain-laing tabang ug serbisyo pinaagi sa maong kalihokan. Tumong usab sa Halad Alagad Program nga mas mahimong sayon ug ma access sa mga lumulupyo ang serbisyo sa gobyerno ilabina kadtong nanginahanglan og tabang.
Nipasalig ang lokal nga panggamhanan sa padayong pagdala sa mga programa ngadto sa mga barangay aron mas daghang residente ang makabenepisyo sa serbisyo sa maong siyudad.
Photo courtesy: Toledo City – Public Information Office
