Anaa na sa South Korea ang Gilas Pilipinas aron magpahigayon og exhibition games sa Biyernes ug Domingo. Kabahin kini sa pagpangandam sa national basketball team alang sa ilang pag-apil sa Asian Games sa Japan. Lakip sa napili nga magdula alang sa Gilas Pilipinas sila Zavier Lucero, Jerrick Ahanmisi, Sedrick Barefield, Don Trollano, Adrian Nocum, Brandon Bates, Robert Bollick, Brandon Ganuelas-Rosser, Justin Arana, Justine Baltazar ug RJ Abarrientos.
Sumala kang Gilas coach Tim Cone, posible nga makauban sa team si Justin Brownlee, apan wala pa kini makumpirma. Wala usab naapil si Jason Perkins sa inisyal nga 30-man pool tungod sa injury nga iyang gi-antos.
Anaa sa Group C ang Gilas Pilipinas uban sa China, Bahrain ug Kazakhstan sa Asian Games. Ang unang duwa sa Gilas sa Setyembre 11 batok sa Bahrain, samtang sa Setyembre 12 makigsangka sila batok sa Kazakhstan, ug sa Setyembre 14 ilang atubangon ang China.
Photo courtesy: PBA News Update
