Nakadani ang usa ka 30-anyos nga lalaki gikan sa India og atensyon sa kadaghanan human sa talagsaon niini nga bisyo sa pagkaon og mga butang nga dili pagkaon, sama na lamang sa bricks, lapok, graba, ug bato.
Sumala pa sa taho nga nagsugod si Pakirapa Hunagundi sa iyang bisyo sa edad nga 10 anyos ug kaya niining mukaon ug mga butang nga mokabat sa tulo ka kilo matag adlaw.
Matod pa ni Hunagundi, naanad na siya niini ug wala siya makasinati og dakong problema sa iyang panlawas. Gani, iyang gibutyag nga ganahan siya sa lasa sa mga bato ug sa karun nagpabilin gihapon nga lig-on ang iyang mga ngipon.
Sumala pa sa mga eksperto nga ang iyang kahimtang giila nga pica disorder, usa ka eating disorder diin ang usa ka tawo kanunayng mokaon og mga butang nga walay nutritional value.
Nasayran nga mismo ang iyang inahan misulay sa pagpahunong kaniya sa maong bisyo, apan wala gihapon niya kini napugngan. Matod pa sa mga silingan niini nga kanunayng mangita si Hunagundi ug mga lapok ingon man mukaon usab kini ug uling.
Tungod niini, nagplano si Hunagundi nga mobiyahe sa nagkalain-laing bahin sa India aron ipakita ang iyang talagsaon nga abilidad.
Photo Courtesy: Blic
