Nahimong kontrobersyal si Barbie Forteza human niya gibutyag sa media conference sa Saving Cherry niadtong Agosto 3, 2026, nga gusto siyang magpakasal sa Las Vegas aron adunay divorce. Naghisgot usab siya bahin sa “date-to-marry.”
Apan sa iyang pamahayag kang Boy Abunda sa Fast Talk with Boy Abunda niadtong Agosto 28, gibawi ni Barbie ang iyang mga pahayag ug miingon nga dili pa siya andam nga magpakasal bisan pa og mahigugma siya.
Sumala kang Barbie, mas nakat-on na niya ang bahin sa kaminyoon human siya makadungog sa tambag sa mga abogado.
Matod niya, dili na siya magdali sa pagminyo ug kung makig-date man siya, dili na kini tungod kay nangandam siya alang sa kaminyoon. Para kaniya, importante nga seryosohon ang kaminyoon ug dili kini himoong butang nga dali-daling desisyon.
Photo courtesy: @barbaraforteza instagram
