Milapas na sa 3.39 milyon metric tons ang rice imports sa Pilipinas karong tuiga, base sa datos sa Bureau of Plant Industry (BPI). Sa tala niadtong Agosto 13, 2026, mikabat na sa 3.46 milyon metric tons ang nasudnong rice imports, mas taas pa kaysa 3.39 milyon metric tons nga na-import sa tibuok tuig sa 2025.
Nanguna gihapon ang Vietnam nga source sa imported rice nga adunay 2.59 milyon metric tons, gisundan sa Thailand ug Myanmar.
Gipadayon sa Department of Agriculture ang pag-import og bugas aron mapalig-on ang buffer stocks, ilabi na tungod sa gilauman nga El Niño nga mahimong magpadayon hangtod sa unang bahin sa 2027.
Apan, nanawagan ang mga grupo sa mag-uuma nga magpatuman og 30-percent safeguard duty sa imported rice, tungod sa ilang kabalaka sa epekto niini sa lokal nga industriya sa humay.
Samtang, nag-andam ang DA og mga lakang batok sa epekto sa El Niño, lakip ang drought-tolerant nga binhi, crop insurance, emergency financial assistance, ug mas episyenteng paggamit sa tubig sa umahan.
Photo Courtesy: PNA
