Mukonhod ang presyo sa liquefied petroleum gas o LPG karong Setyembre, sumala sa Department of Energy (DOE). Gibanabana nga mokunhod og 40 sentimos kada kilo ang presyo sa LPG, o katumbas sa mga P4.40 nga bawas alang sa kasagarang 11-kilogram nga tangke.
Sumala sa DOE, bisan misaka ang global contract price sa LPG, nabawi kini sa mas ubos nga gasto sa freight ug paglihok sa piso batok sa dolyar, hinungdan nga mikunhod ang kinatibuk-ang gasto sa LPG sa nasud.
Gilauman nga mag-abot sa P1,031 hangtod P1,536 ang presyo sa 11-kilogram nga LPG cylinder, depende sa brand, lokasyon ug kondisyon sa merkado. Gidasig usab ang publiko nga motandi sa presyo ug mopalit lamang sa awtorisadong mga dealer ug retailer.
Photo Courtesy: Philippine Information Agency
