Gidala sa ospital ang bantog nga mag-aawit nga si Lionel Richie human sa iyang konsiyerto sa The Muny sa Forest Park sa St. Louis, Missouri. Gipa-check ug giatiman siya sa medical facility human makasinati og gamay nga dehydration, hinungdan nga nagpabilin siya didto alang sa pagmonitor sa iyang kahimtang.
Nabantayan usab sa mga nanan-aw nga daw dili komportable ang singer atol sa iyang performance, ilabina sa iyang katapusang kanta nga “All Night Long.” Imbis nga magpadayon sa pagbarog, milingkod na lamang si Richie samtang gitapos niya ang maong performance.
Wala pa gikumpirma ang dugang detalye bahin sa iyang kahimtang human sa pagpaospital.
Photo Courtesy: Entertainment weekly
