Nakahatag og hulga sa North Korea ang maritime drills nga ilusad sa South Korea, United States, Japan karong bulana sa Septyembre. Diin giisip sa North Korea ang Washington isip hostile. Subay kini sa tinguha ni US President Donald Trump sa pakigtagbo ngadto ni North Korean Leader Kim Jong Un.
Sa nasayran, magpahigayon ang tulo ka mga alyado nga mga nasud og North Korea-focused Freedom Edge exercise gikan Septembre 7 ngadto na sa Septembre 11 sa international waters silangan ug habagatan sa Jeju Island sa South Korea diin niingon ang Seoul nga defensive in nature ang maong kalihukan.
Kahinumduman nga unang gipahigayon ang Freedom Edge naidtong Hunyo sa tuig 2024 subay sa nasabutan sa mga leaders sa tulo ka mga nasud sa Camp David summit niadtong 2023.
Photo courtesy: UPI
