Nagpadayon ang rescue operation sa Nepal alang sa gatusan ka mga trabahante nga gituohang na-trap sulod sa mga tunnel sa hydropower projects human sa dakong baha nga nagdala og lapok, bato ug debris.
Gibana-banang 933 ka indibidwal gikan sa mga hydropower project ang gikataho nga missing, samtang nagpadayon ang pagpangita ug pagkuha sa mga babag sulod sa mga tunnel. Sumala pa, gigamit sa mga rescue team ang drilling machines, excavators ug tubo alang sa pagpasulod og hangin samtang ilang gikuha ang tubig, lapok ug sediment.
Naka-recover na usab ang mga rescuer og mga lawas sa pipila ka tunnel, samtang nagtabang ang mga espesyalistang rescue team gikan sa India, China ug South Korea sa operasyon.
Photo Courtesy: dailysabah
