Giklaro ni DIYANDI LEGAL COUNCIL Atty. Reizyl Reen P. Angas atol sa Press Conference kagahapong adlawa Setyembre 01, 2026 nga wala gilimitahan ang gidaghanon sa mga participant o contingents alang sa Street Dancing Competition sa umaabot nga Diyandi Festival 2026 sa Iligan City.
Matud ni Atty. Angas, nagpabilin sama sa miaging tuig ang seed money o consolation nga P300,000, samtang P1 milyon ang grand prize, P700,000 alang sa first runner-up ug P500,000 alang sa second runner-up. Gipasabot usab ni Angas nga unom lamang ka contingents ang nakapadayon karong tuiga tungod kay ang duha ka contingents gikan sa Cagayan de Oro nga gilauman unta nga moapil, ning-backout sa ulahi tungod sa conflict sa ilang trainer.
Dugang pa niya, nga dili tungod sa limitasyon sa organizers ang gamay nga gidaghanon sa niapil o nagpalista. Nagpabilin pa gihapon nga abli sa mga contingent nga gustong moapil, ilabina sa pagpalambo sa kompetisyon ug sa kalampusan sa Diyandi Festival 2026.
